| Uit "Klipwerk" deur N.P. van WYK LOUW [boodskap #30493] |
Do, 11 Mei 2000 00:00 |
|
|
Oorspronklik gepos deur: @home.com
Uit: KLIPWERK
N.P. van Wyk Louw
Hoe rits die kooi vannag
o hoe rits die kooi vannag
daar's dikvoet en pontak vanaand
in die oubaas se laaste vrag
die hanslam lek my hand
o die hanslam lek my hand
met watter genade hét jy dan
op Gunsfontein beland
die bloulig op die draai
o die bloulig op die draai
hoe het jy van die skraalbeen-meid
dan so danig reg geraai
die spekbos in die blom
o die spekbos in die blom
op wie se gedagte hét jy dan
na Dwars-in-die-weg gekom
(Nuwe Verse 1954)
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
